मला सारखे वाटते . . . .

सारखे मला वाटते की

कधी मी माझ्यामध्येच हरवतो
कधी हरवलेला मी मज स्वत:लाच सापडतो
दिस उगवतो दिस मावळतो
रात्री जाग्या होतात आणि निजतात सुद्धा

पण त्या रात्री माझी पावले चालत असतात
तेच ते गाणे मी गुणगुणत असतो
पण माझी वाट संपत नसते
कारण मला सारखे वाटते की
नवीन वाट समोर येईल

मला सारखे वाटते की कोणी मला ह्या सगळ्यापासून दूर घेऊन जावे
मला सारखे वाटते की कोणी त्या आठवणींपासून मला लांब न्यावे
मला सारखे वाटते माझ्या आयुष्यात कोणीतरी यावे ते
रिकामे झालेले ह्र्दय त्या सुंदर स्पंदनांनी भरून टाकावे


मला सारखे वाटते डोळे मिटताच तिचा चेहरा समोर यावा
अन डोळे उघडताच तिच समोर यावी
असे वाटणे अन वाटून घेणे चालूच आहे
प्रत्यक्षात मला तुझी गरज आहे
कारण मन माझे एकटे झाले आहे
त्याला तुझी साथ हवी आहे . . . . .