पाऊलवाट

येता जाता अनेक रस्ते भिडतात
आपल्या आपल्या मार्गी जाऊन संपतात
पण ती वाट त्या पाऊलवाटा आपल्याला खूप वेळा भिडतात
आपले आयुष्य बदलून जातात

येता जाता रस्ते चालून जातो
अनेक मार्ग बदलत असतात
आयुष्याचे मार्ग बदलत असतात
पण ती वाट एकच असते
पण असतात पाऊलवाटा अनेक

वाट ती चालून जातो मी
त्या वाटेत अनेक व्यक्ति भेटतात
काही आपले होतात तर काही परके होतात
पण तरीही मी ती वाट चालतच राहतो

मनाला वाटत असते कधी संपेल हा प्रवास
मला ही येतो चालत राहण्याचा कंटाळा
मी चालत असताना हळूच मागून कोणीतरी येते
अन माझा हात पकडून मला पुढे घेउन जाते

अन माझी संपत आलेली वाट . . .
पुन्हा एक नवी वाट शोधते
माझा पुन्हा एक नवा प्रवास सुरु होतो . . . . . . .