ती ट्रेन . . .

रोज सकाळी धावत धावत
अनेक ती ट्रेन पकडतात
खूप गर्दी असते प
ण सवयच असते त्यांना लटकायची

नेहमी कुठे न कुठे थांबत असते
प्रवासमात्र चालूच असतो
अनेक ओळखी होतात
अनेक आपले अनोळखी होतात

स्टेशन वरून स्टेशन पार पडत असतात
नवे सखे नव्या सख्या काहीश्या भेटत जातात
स्टेशना स्टेशनांचा संबध त्यांचा
स्टेशन येते अन ते पुन्हा आपल्या वाटेस निघून जातात

कधी एखादी अशी ओळख होते
जी कधीच अनोळखी होत नसते
स्टेशन असो वा सिग्नल ती भेट कधीच संपत नसते
खरोखरच की ही ट्रेन माणसं जोडत असते

इथे अनेक माणसे हरवतात
अनेक प्रसंग आठवणी बनून जातात
अनेक आठवणी नष्ट होतात
पण राहीला तो फक्त जिव्हाळा
हा प्रवास असतो कधी न संपणारा

आयुष्य हेच की अनेक अनुभवांचे
तीच का ती ट्रेन प्रत्येकाला जवळ करणारी
तीच का ती ट्रेन मार्ग जोडणारी
तीच का ती ट्रेन आठवणी सोडून जाणारी
अन तीच का ती ट्रेन आपल्या जीवन-रेषा जोडणारी