रंग कवितेचे . . . .

कवी काविता करतात
आपले भाव इच्छा आकांक्षा त्यातून व्यक्त करतात
त्या कवीता सुरेख असतात
सुंदर असतात अगदी त्या कवींच्या मनासारख्या

जस-जश्या कवीता तयार होत जातात
प्रत्येक कवीच्या भावना त्यातुन फुलु लागतात
अगदी एका प्रात:काळी दव पडून
उमललेल्या फुला सारख्या

कविता दु:खी असते
सु:ख देणारी असते
खूप काही सांगणारी असते
खूप काही बोलणारी असते

प्रेमी प्रेमकवीता लिहितात
दु:खी विरह कवितेतून दाखवतात
काही कविता खूप वेगळ्या असतात
एका शब्दापासून तयार होतात
अन त्याच शब्दावर येऊन संपतात

म्हणूनच कविता ह्या रंगलेल्या असतात
प्रत्येक भावनेच्या रंगाने
प्रत्येक कविच्या मनातील विचाराने
त्यांच्या कविता आवडणाय्रांच्या प्रतिसादांनी
प्रत्येक सु:ख दु:खांच्या रंगानी

अशाच असतात त्या रंगलेल्या कविता
असेच असतात त्या कवितांमधले अनेक रंग . . . . .