अंधार......

कधी एकांतामध्ये कोणाची साथ नसेल तर तो बरोबर असतो
कोणाची साथ नको असेल तर आपल्याला हवा हवासा तो वाटतो
त्याच अंधारामध्ये उजेडाचा शोध करायला लावणारा असा तो
मनातील सर्व विचार स्वत:म्ध्ये समाविष्ट करून घेणारा असा तो
असाच आहे का तो अंधार

द्रुष्टी नंतरचा आभास तो असतो
दिवसानंतरच्या अवधीतला सहवास तो असतो
सावल्यांना मिळणारा आधार तो असतो
प्रत्येकाला सावली देणारा आधार तो असतो
असाच का प्रत्येकाला आवडणारा वा नावडणारा अंधार तो असतो

अंधार प्रत्येकाच्या जीवनातील दु:खामधला
अंधार त्या अखंड रात्रीच्या अस्तित्वातला
अंधार त्या प्रत्येक तिमिराचा अधारस्तंभ
अंधार त्या काळ्या ढगांचा सहवास
अंधार त्या बंद खोलीतला

उजेडामुळे सरणारा तो अंधार
निसटत्या काळ्या ढगांतून सरणारा तो अंधार
बंद खोलीला उघडल्यावर निसटणारा तो अंधार
मनातील चिंता दूर झाल्यावर नाहिसा होणारा तो अंधार
असाच हा अंधार प्रत्येकाच्या आयुषयातला आणि दैनंदीन जीवनामधला!!!................