पडदा पडण्यापूर्वी नेहमीच
चेह-यावरचा मुखवटा गळून गेला
सु:ख येण्याआधीच ओंजळीत
तडजोडीच रस्ता शोधून गेल्या
घडवीत होतो एक नवा चेहरा
त्या प्रत्येक मुखवट्यावरती
तो प्रत्येक मुखवटा नेहमीच
अनेक व्यंगांतून गळत होता
आयुष्याचा हा रंगमंच
नकळतच खंगत गेला
उरल्या सुरल्या धाग्यांनी
तो कठपुतळीचा खेळ रंगत गेला
ओंजळीत नेहमीच अश्रू आले
सु:खासाठी नेहमीच मन आतुरले
तरीही सारीपाटावरचा खेळ चालतच गेला
तो चालतच गेला ... चालतच गेला
पडदा पडण्य़ापूर्वी नेहमीच
चेह-यावरचा मुखवटा गळून गेला
सुख येण्यापूर्वी ओंजळीत
तडजोडीच रस्ता शोधून गेल्या
तडजोडीछ रस्ता शोधून गेल्या
- शशांक नवलकर २९-०८-२००९
No comments:
Post a Comment