एक शब्दस्पर्श

काही शब्द मनास स्पर्शून गेले...
काही शब्द मनास अवहेलून गेले....
त्यांचे ते आपले आपलेसे होणे...
अन अनाहूतपणे परके करणे....

एक शब्दही उध्वस्त करू शकतो....
तीन शब्दही आयुष्य देऊ शकतात ..
त्यांचे ते स्वत:च निर्मिलेले व्यंग
अन मी त्यांतला एक पुसटसा रंग

वादळावरही शब्द जादू करतात...
ते शांत होते तेव्हा...शब्दही गरजतात..
पावसाचाही ओलावा चिंब भिजवून जाई...
ह्या शब्दांची मजा तिच मला देऊन जाई

प्रत्येक शब्दात तिचेच प्रतिबिंब
प्रत्येक कवितेत तिचेच अस्तित्व
वेडावतात मनी ते सुंदर मर्मबंध
तोच अन फक्त तिचाच....एक शब्दस्पर्श

- शशांक नवलकर