चुरगळलेला कागद....

अनेक अनुभवांतून गेलेला...
भावनांनी होरपळलेला
अनेक मनांशी जुडलेला
काही ह्र्दयांतही जडलेला....
अन....
मनातून भिरकावलेला...

खुप काही लपलेलं
अंतर्मनात दडलेलं
एखादं गुपित
काहीसं अर्पित
काहीसं शापित
गाळलेले...वगळलेले...
पण...
माझं आयुष्य तितकंच

रंगरंगांतूनी रंगलेला
अनेकांत मिसळलेला...
अनेकांसाठी जपलेला...
खूप काही सांगणारा...
मनातलं बोलणारा....
नि:शब्द मी.....

कल्पनांनी रंगवलेला
नकळतच कितीदा भिजलेला...
त्याच्यासाठी...तिच्यासाठी....
जपलेला...वाया घालवलेला...
जाळलेला...विझवलेला...

.....

एक चुरगळलेला...कागद.

- शशांक नवलकर १३.०८.२०११