पुन्हा मागे वळून पहावेसे वाटते

आयुष्य असेच चालत असते
दिवसा मागून दिवस उलटत असतात
पण ही पावले थांबतात जेव्हा त्या आठवणी आठवतात
अन तेव्हाच मला पुन्हा मागे वळून पहावेसे वाटते...

कोणाची तरी साथ असेल ही आशा बाळगत होतो
पण ती आशा निराशाच बनून राहीली
पण त्या सुखद आठवणींमध्ये मला पुन्हा हरवून जावेसे वाटते
जेव्हा मला पुन्हा मागे वळून पहावेसे वाटते

त्या चित्रांकडे पाहताच जुन्या आठवणी ताज्या होतात
जणू त्या चित्रांमध्येच हरवून जावेसे वाटते
पण ती चित्रच का जणू मला हवी हवीशी वाटतात
म्हणूनच मला पुन्हा मागे वळून पहावेसे वाटते.....

त्या आठवणी अश्रुंनी वाहून जातात
अन अश्रुच माझे गारठून जातात
पण जेव्हा मला त्या सगळ्या दिवसांची आठवण येते
तेव्हा मला सारखे पुन्हा मागे वळून पहावेसे वाटते

जेव्हा मला कोणाची तरी साथ हवी असते
तेव्हा माझ्या जवळ कोणीच नसते
पण जेव्हा मी तिच्या त्या सुखद आठवणींकडे पाहतो
म्हणूनच का जणू मला सारखे पुन्हा मागे वळून पहावेसे वाटते.....