त्या रात्रीचा पाऊस . . .

रात्रीच्या पावसात भिजताना

असे वाटते की त्या किर्र काळोखात न्हाऊन जावे

विजांची चकमक झाली तर

ढगांच्या गडगडाटात धुंद होऊन जावे

असा पाऊस जर सोबत असला तर

असे वाटते की ह्या काळोखात फक्त मी अन ती असावी

त्या पावसाचा मी आनंद घेत बसावा

अन तिने चिंब होऊन माझ्या मिठीत यावे

हळूच तिच्या त्या गालांवरून अश्रु पडावेत

अन मी त्या धारेत ते विसरून जावेत

रात्रीच्या पावसात भिजण्याची मजा न्यारीच

सोबत तिची जर असली तर पहीला पाऊस पण त्या रात्रीला थोडा वाटतो

त्या रात्रीचा पाऊस पण मला असाच आठवतो

विजा नर्तकी बनल्या होत्या , ढगांचा नाद होत होता

मी तिची वाट पाहत होतो

ती जेव्हा आली एक वीज खाली पडली

अन हळूच ति माझ्या मिठीत आली

अन त्या पावसाची मजा वसूल झाली

असावा असा रात्रीचा पाऊस

भिजण्याचा आनंद देणारा

दु:ख वाहून नेणारा

तिला जवळ आणणारा