उध्वस्त मी.......................

प्रेमात तुझ्या
हरवूनी अस्तित्व माझे
तुटलो तुकड्यात मी
तुकड्यातुकड्यातूनही रक्त ओथंबले
जाहलो असा उध्वस्त मी

होऊनी निष्पर्ण तुझ्यासवे
त्यागले आज स्वत:ला
त्या प्रत्येक कर्मासाठी
पापासाठी पुण्यासाठी जगण्यासाठी
जाहलो असा उध्वस्त मी

ओठावर तुझ्या हसू पाहतो
जळतो मी
पाहुनी भस्म होत्या स्वप्नांना
त्या सर्वांसवे भस्म होतो मी
आज जळते आहे आयुष्य माझे
जाहलो असा उध्वस्त मी

पाहतो एक पहाट कोवळी
नवे आयुष्य जगण्यासाठी
श्वास घेण्या जातो जिथे
घुसमटतो त्या प्रत्येक क्षणासाठी
होतो अंत माझा होता तुझी सुरुवात
ह्या चक्रव्युहात
जाहलो असा उध्वस्त मी

मागतो मृत्यू तुझ्या देवाकडे
मरण्यासही आतुर जाहलो मी
नाही जेथे मृत्यूही
न काहीच माझे माझ्याकडे
आज जाहलो असा उध्वस्त मी............
उध्वस्त मी.......................

- शशांक नवलकर १९-११-२००९