मी एक कटपुतली

अनेक धाग्यांनी गुंफलेली
दुसय्राच्या हातानी बंधलेली
मुक भावनांनी भरलेली
अशीच मी एक कटपुतली

नाचते मी त्याच्या तालावर
बोलते मी त्याच्या बोलावर
ना फुलती हास्य ना पाझरती अश्रू
म्रुत असून जगणारी मी एक कटपुतली

ना मज होती वेदना
नाहीत मज त्या भावना
त्याच्या हातीच माझी चावी
त्यानेच चालणारी...मी एक कटपुतली

ज्याच्या तालावर केला नाच
त्यानेच केला माझा नाश
फेकून दिले अंधारात तव
सुरू झाला पुन्हा तो खेळ

कधी हा नाच ना थांबवती
अशी मी एक कटपुतली...

- शशांक