जमलेच तर...

जमलेच तर....
माझी आठवण मनातून काढ...

खूप सोसले तुझ्यासाठी...
अश्रू आटले...गोठले...थांबले
आता रक्तांचे अश्रू येणे बाकी....
जमलेच तर...
माझी आठवण मनातून काढ

काळ जणू थांबयचा...
तू प्रसन्नतेने माझ्याशी बोलायचीस
तुझ्या हसण्यात उठून दिसणारी खळी....
त्या करप्ट मेमरी कार्डातली एकुलती एक इमेज....
काढून टाकली...
जमलेच तर...
माझी आठवण मनातून काढ....

कविताही तुझ्यावर पूर्वी खूप करायचो...
तू वाचायचीस खूप खूष व्हायचो...
आज मला ते दिवस आठवतात...
पण त्या आठवणींचं काय करू...
तू नसल्याचे...क्षण सतावतात....

खंत वाटते...
पण आता मला जगायचय..
माझ्यासाठी...माझ्या स्वप्नांसाठी

बस ही एक शेवटची कविता....
तूला पाठवतोय....
जमलेच तर...
माझी आठवण मनातून काढ....

- शशांक नवलकर १७-७-२०११