हवी तुझी साथ मला

कल्पी ताईच्या "मराठी कविता" वरील थ्रेड वर सुचलेली माझी कविता..

हवी तुझी साथ मला

हे जीते आयुष्य तुझ्यामुळे
जगतो आहे हे स्वप्न तेही तुझ्यामुळेच
मागणे आहे आज तुझ्याकडे...फक्त एकदाच
"हवी तुझी साथ मला........."

निर्मिलेस हे विश्व.... निर्मिलास हा संसार
निर्मिलास अंध:कार निर्मिलास प्रकाश...
आज अंध:कारातूनी प्रकाशाकडे वाट दिसते
त्याच वाटेतून चालता चालता...
"हवी तुझी साथ मला........."

घेतली उंच भरारी नवपंखांनी...
गाठायचे आहे एक नवे आकाश..........
बदलून टाकायचे आहे आयुष्य नवस्वप्नांनी
गाठतो आहे तेच नवे आकाश..
"हवी तुझी साथ मला........"

नाही खंत उरली आता कसलीच
नाही भीती आहे आता कसलीच
डोळे मिटताही तूच आहेस....
अंत:करणातही तूच आहेस...

म्हणूनच मागणे आहे आज तुझ्याकडे
फक्त एकदाच........
"हवी तुझी साथ मला........"

- शशांक नवलकर ५/०६/२००९