कारण.....

"एक ओली आठवण" खरच चिंब करणारी होती... पण तिला चिंब करणारा तो निघून गेला होता तिचीच वाट पाहून पण तिच उत्तर खरच कोणीच ऐकले नाही....

कारण.....

वाट तुझी पाहत पावसात उभी होते
मग गालावरून ओघळणारे पाणी
पावसाचे का समजलास...???
मी दिलेल्या आठवणी विसरलास???
आठवता तू दिलेले ते क्षण..
चिंब होतेय मी त्याच ओल्या आठवणींनी...
आठवता तुझा हळूवार स्पर्श...
चिंब होतेय मी त्याच ओल्या स्पर्शाने.....
कारण..... तू नव्हतास..
आठवणी जगूनच जगेन तुझ्या...
प्रीतीच्या प्रणय-स्पर्शाच्या...
होतील त्याही चिंब....माझ्याच अश्रूंनी
ती वाटही असेल आता एकलीच...
माझ्यासारखी.....
कारण....तू नसशील.....
येत राहीन मी त्याच वाटेनं
तुला रोज भेटण्यासाठी
त्याच झाडाखाली उभी राहून
चिंब होत राहीन....
तुला रोज आठवताना...
नसेन मी तेव्हा एकटी.....
असेन फक्त तुझीच........
तुझी एक ओली आठवण..
आयुष्यभर जगेन...
कारण....तू आता माझ्यात असशील.....

- शशांक नवलकर ०२-०५-२००९.