असूनही हात आज माझे रिक्त
न राहीलो मी कधीच अव्यक्त
हास्यमुखी मुखवटे का असोत...
हसून जगण्यातच आहे एक समाधान
प्रेम विरह सु:ख दु:ख सर्व आहे
आज त्यातही मिळते समाधान
कारण, आज मजकडे सर्वस्व आहे
ना कसली खंत ना कसली उणीव
आयुष्य मी जगतो आहे
प्रत्येक क्षण असेच हसत जगतो आहे
कोणीच विचारत नाही माझी दु:ख
न कोणी विचारत माझ्या मनातील भावना
नसते कोणालाच माझी चिंता
पण त्यांची असण्याची जाणीव...
मजला देऊन जाते एक शक्ति
नसते काहीच असाध्य..
सिद्ध होऊनी जगावे आयुष्य
त्यातच मिळते खरे समाधान
हो,...त्यातच मिळते आहे समाधान
जेव्हा रिक्त असूनी मिळेल सर्वस्व
अव्यक्त असूनी होतील भावना व्यक्त
न उरतील कोणतेही मुखवटे
प्रत्येक व्यंग असेल जिते दृष्य
तेव्हाच मिळेल मला खरे समाधान
त्यातच असेल माझे खरे समाधान
- शशांक नवलकर
No comments:
Post a Comment